【守護你「心」 穴位按壓工作坊】

香港人生活節奏急促，壓力無處不在。特別對於心臟病患者而言，日常心悸、胸悶，以及對身體狀況嘅擔心，都係一份沉重嘅負擔。而喺身邊嘅照顧者，其實都同樣面對巨大嘅壓力同焦慮。面對繁多嘅資訊同治療方案，往往都會感到徬徨無助。

有見及此，我哋特別為大家準備咗【守護你「心」 穴位按壓工作坊】，邀請到心臟科專科黃世民醫生為患者及照顧者講解關於心臟疾病嘅知識，同大家解答常見疑問。除此之外，我哋仲邀請咗註冊物理治療師教大家做一啲簡單嘅穴位按壓，希望可以透過按摩嚟舒緩大家平日常見嘅不適症狀，令大家可以放鬆心情，為身心注入正能量！工作坊費用全免，名額有限，先到先得，額滿即止，大家把握機會報名啦！