關心您的心

踏入夏季,經過水果檔,陣陣榴槤的味道撲鼻。不過,榴槤的忠實粉絲要注意,原來進食榴槤禁忌多。不正確進食,輕則腸胃不適,重則會堵塞血管。有中醫師指,榴槤班戟、榴槤糯米糍都屬高危食品,究竟點解?

榴槤與奶或奶製品,同樣蛋白質豐富、糖分高,易造成胃脹或肚屙等問題。註冊中醫師譚莉英指,「榴槤班戟、榴槤糯米糍都有呢啲成分,屙到就好,屙唔到就大鑊,喺腸胃漫遊,更加有阻塞血管嘅危險。」

另外,食用榴槤時亦不可同時飲用可樂。「咁樣好危險,因為可樂有咖啡因,會直接令心臟同腦行得好快,榴槤咁重糖分,好易阻塞血管。」有高血壓或隱性心臟病的人士,要特別注意。

此外,榴槤不可以與蟹一同進食。一般人以為蟹屬寒涼食品,而榴槤偏熱,有中和作用,原來大錯特錯。「咁極端既食物一齊放落脾胃,會令脾胃功能失調,有機會肚屙、肚痛,甚至嘔。」至於羊肉同樣不可,因為兩者同屬補身食品,即使天氣有多寒冷,亦不建議一同進食。

「榴槤唔係個個都啱!」譚指出,除以上禁忌外,以下3大類型人士都要避免進食。第一類,肝熱人士。「呢類人士多捱夜、壓力大,比較火重,一個榴槤等於3隻雞,會火上加油。」進食榴槤後,脾氣會較暴躁、眼紅眼乾、有機會頭暈頭痛、睡眠質素差、便秘、生暗瘡及口乾口苦等。第二類,為陰虛人士。「入面已經有內火,再食榴槤同樣會火上加油。」

第三類,痰濕人士。因為榴槤比較甜及膩,會令病情加重。進食榴槤後,會增加痰的分量,引發哮喘、鼻敏感及流鼻水等。

相反,體質比較虛寒、氣血虛弱的人士,進食榴槤則可健脾胃及增高氣血。譚表示,對因為虛寒體質而引起痛經的女性特別有效。「天氣熱,女仔着衫比較短身,好似露臍、短褲或者短裙,加上冷氣,個人好寒涼,好多時經期就會痛,食榴槤就有幫助啦」。不過,要注意,即使屬寒性體質,大病過後或有腫瘤人士,亦不宜進食。

即使身體健康,譚建議,一次最多只可以食兩小粒,一星期最多3次。進食後覺得滯、胃脹或熱氣,可以食山竹調和,或者將榴槤殼洗乾淨,加少許鹽一起煲水飲,都可以清濕熱。

榴槤味道撲鼻,但原來進食榴槤有諸多禁忌。

資料來源:on.cc東網