關心您的心

(2018年12月14日 明報加東網)

【明報專訊】改革醫務委員會嘅《2017年醫生註冊(修訂)條例草案》,今年3月立法會通過,修例後新增4個業外委員席位,當中3席由病人組織選出。醫委會上月9日展開選舉程序,由57個病人組織投選3人擔任業外委員,首度票選嘅委員噚日誕生。

今次有6人參選,每個病人組織可投3票。醫委會噚日點完票,3名當選人分別係香港哮喘會主席陳永佳、病人組織「關心您的心」主席梅卓能,同埋香港病人政策連線主席林志釉,佢哋分別有32票、28票同22票。醫委會將於下周五(21日)刊登憲報,由當日起任期3年。

香港復康會早前舉辦選舉論壇,被問到希望喺醫委會擔任咩職能,陳永佳、梅卓能同林志釉都話,希望加入初步偵訊委員會處理投訴個案。

資料來源:明報加東網
發佈日期:2018-12-14